0420 - 0421 宇宙船 扭蛋劇場 神奇的糊塗魔藥

N: 熄燈~熄燈~全...

0420 - 0421 宇宙船 扭蛋劇場 神奇的糊塗魔藥

N: 熄燈~熄燈~全部熄燈！而家查牌！
Y: 下？熄燈你點查？
N: 我做嘢洗唔洗你教呀？有冇問你意見呀？係咪唔合作呀？而家我地鐘意熄燈做嘢有冇問題呀？
Y: 唔洗~冇問題~冇問題~

N: 邊個負責人呢？請問？
Y: 我就係啦……
N: 有冇酒牌呀哩度？
Y: 冇喎，我地哩度冇酒精……
N: 消毒酒精都冇你開舖？人嚟，封舖！
Y: 唔係唔係~消毒酒精就有~
N: 係咪玩嘢呀你~

Y: 我地哩度唔係酒吧喎~
N: 廢話，酒吧我地KO晒啦~仲查咩呀？

N: 攞電話嚟睇下。
Y: 你可以㗎咩？
N: 你話呢？
Y: 都冇我話㗎啦可？
N: 咁我話㗎喇。
Y: 唉你睇啦，我電話咩都冇㗎真係。

N: HA，仲捉唔到你？
Y: 咩呀？真係咩都冇！
N: APP都冇吖嘛！咁你係點出行㗎？
Y: 唉……我裝返啦咁……
N: 你答問題清清楚楚醒醒定定合合作作呀我話你知~
Y: OKOK。
N: 而家我問你，頭先我地喺嗰個人身上，搵到哩一枝針筒。
Y: 吓?! 我真係咩都唔知㗎！客嚟㗎喳！
N: 我地已經放咗佢走。
Y: 下？
N: 我而家懷疑除咗佢之外，在場嘅所有人都冇打疫苗。

N: 而家唔係事必要你打，但你所打嘅疫苗，都會用筆記低，將來可能成為出行條件。

---